Tuesday, July 1, 2008

أنا والدكتورة


في يوم من الايام وساعة من الساعات كان فيه دكتوره بتدينا محاضرة ..هي وكيلة الكلية عندنا وزوجها مديرمديرية الطب البيطري في القليوبية..وهي محاضرة واحدة اللي ادتهلنا ... حصل موقف لي كده معاها بخصوص الحجاب



الدكتورة دي بتاعة مادة الباراسيتولوجي او مادة الطفيليات يعني .. المهم هي ماشاء الله شرحها كويس وكل حاجة ... بس حصل منها موقف غريب قوي وبصراحة ينرفذ جداً



معلش بقى انا هشرح كده بالبلدي يعني ..زي مالموقف حصل بالضبط ..فاستحملوا بقى.

ا

نا هخش في الموضوع بقى..عشان شكلكم زهقتم


والشرح شغال كده في امان الله لقينا الدكتوره مرة واحدة راحت قايله على فكره ياجماعة الحجاب ده مش فرض ولا حاجة ...ده حرية شخصية واللي عاوزه تلبس الحجاب تلبسه واللي مش عاوزه دي حرية شخصية ومحدش يقول لحد البسي او متلبسيش


المهم استغربنا كلنا جد .... وبصينا لبعض .. واستدركت في كلامها وكملت : دنا حتى بنتي وهي في الثانوية او تقريبا في اولى ثانوي .. مش فاكر ... المهم بتقول لقيت بنتي عاوزه تلبس الحجاب لوحدها كده قولتلها فيه ايه ؟؟؟ دنتي لسه في الثانوية .. مستعجله ليه كده ؟؟؟؟؟



وطبعا ضحكنا كلنا من الموقف ده واستغربنا أكثر



فالمهم بعد ما ضحكت انا مع اللي كانوا بيضحكوا وكان تقريبا الدفعة كلها ...............سكتنا كده مرة واحدة وبصيت

لزميلي اللي كان جانبي .. كان واحد اسمه فؤاد .. المهم هو صاحبي وحبيبي ومن اوائل الدفعة وماشاء الله عليه ملتزم .. فقولتله انا عاوز اقوم ارد على الدكتورة دي .. ايه التهريج ده ..وفجأه كده لقيتني بجد برتعش ومتضايق من الكلام ده بجد والناس كلها في

الوقت ده سكتت و الدكتورة كملت شرحها...




فقام فؤاد زميلي قايللي ياعم خلاص بقى كانت عايزه الرد في وقتها




المهم بقيت قاعد بجد الدم بيغلي في عروقي وحاسس ان المفروض فعلا يترد عالدكتورة دي .. وحاسس كمان اني


المسئول عن الرد في وسط الدفعة خصوصا اني الحمد لله حافظ القرآن ويعني على قدر من الالتزام ..




واحب اضيف برضو ان بفضل الله دفعتنا من اكثر الدفعات تواجدا في المسجد وفي الصف الاول كمان ..ده فضل من ربنا

علينا بجد .وحاجة تفرح قوي وكمان فيها عدد من الخمارات كويس ...





كانت المحاضرة ساعتين ...وكان الكلام ده في نصف المحاضرة تقريبا .. المهم قولت انا هنتهز أي فرصة وهرد برضو


رغم كلام زمايلي ... والحمد لله جات الفرصة في ااخر عشر دقايق قبل مالمحاضرة تخلص ... الدكتورة قالت حد عايز يقول حاجة

او يسأل في حاجة .... رفعت ايدي وقمت قولتيلها





قولتلها : لو سمحتي يا دكتورة ..انا بس عاوز اقول حاجة بالنسبة لموضوع الحجاب ده ..... قالتلي اتفضل ورحبت

....




فقلت انا هقول اللي في دماغي وخلاص حالياً من غير تذويق ولا حاجة ... وربكم بيكرم بجد وبعدين المكان هص هص

والدفعة كلها موجوده وتركيز شديد ..يعني أي كلام غلط تدخل دماغ حد ..هنتحاسب عليها ... ربنا يستر




قولتلها بالنسبة لموضوع الحجاب ده يا دكتورة .. هو فرض مش حرية شخصية ولا حاجة لأن ربنا بيقول في سورة

النور اية31والحمد لله افتكرت برقم الاية(وقل للمؤمنات يغضضن ............ الى وليضربن بخمرهن على

جيوبهن...)............................ اذاً ده أمر من ربنا صريح اهوه .... صح كده يا دكتوره والا لا؟؟؟؟؟


قالتلي صح.


قولتلها طيب فيه ايه تانية في سورة الاحزاب ايه تقريبا 36


(وما كان لمؤمن ولا مؤمنة اذا قضى الله ورسوله امراً ان يكون لهم الخيرة من امرهم ومن يعص الله ورسوله فقد ضل

ضلالاً مبينا)


يعني ده تأكيد انه امر من ربنا وواجب الطاعة علينا ...اذاً الموضوع مش حرية شخصية ولا حاجة زي ماحضرتك

بتقولي ...


والحجاب بكده فرض ... انما ماشي النقاب اللي فيه كلام


وبس..... لا زودت ولا نقصت من احاديث او خلاف كده .... هو ده بس اللي جه في دماغي كده عالطاير.


قامت الدكتورة ردت علي وقالتلي : بس انت هنا طالب


قلت مع نفسي كده : اهلاً ..يبقى هيه عاوزه تدخل بقى في حوارات تانية ومشاكل ... وقلت برضو في سري هي

الرسالة وصلت لزمايلي قبل الدكتورة والموضوع اتفهم ... وقلت الم الموضوع


وقلتلها ماشي يا دكتورة .. بس معلش كان لازم بس او يعني كنت عاوز اوضح حاجة وشكرا يادكتورة ورحت قاعد

مكاني


وبس خلاص ....المحاضرة خلصت ....


بس بجد من جواي فرحت جداً اننا قدرت اقول حاجة واوصل الفكرة لزمايلي وللدكتورة



وقام زمايلي بقى بعد مالدكتورة خرجت ..تسلم يا خليفة ... والله احنا كنا عاوزين نقوم نرد ..بس كويس انك رديت ...

والحمد لله الحكاية عدت



بس كده .






.فأنتم ايه رأيكم في القصة دي وفي طريقة الرد ؟؟؟ وهل كنت اطنش وخلاص واقول اهي مش فاهمة ..سيبك منها وخلاص؟؟؟؟

42 comments:

ahmed fala said...

بصراحة انا شايف انك كدة صح
وجزاك الله خيرا انك رديت وضحت النقطة دى لعل حد من الموجودين يقتنع بكلامك وتلبس الحجاب ويجعله الله فى ميزان حسناتك

لكن انا مستغرب من الجهل الدينى عند معظم دكاترة الجامعة

وبصراحة مكنش ينفع تسكت لحسن تفتكر نفسها انها صح

اخوك احمد فلا

النجمة الصامدة said...

تطنش وتقول سيبك منها وخلاص؟؟؟
!!!!

لا طبعا
كدا الصح ومية مية

امال احنا لزمتنا ايه في المجتمع

وانا بعيد كلام زميالك
بجد
تسلم
وربنا يزيدك جرأة في الحق

عايز أتعلم said...

احمد فلا
كويس ياعم ان شفناك تاني

ربنا يكرمك ... والله ربك الل بيوفق ... ويا رب فعلا زي مابتقول وربنا يهدي

وربنا يهدي الدكاترة دول والله ..في منهم الكويس ..بس فعلا هما لازم يكونو قدوة


والحمد لله اني مش سكت

جزيت خيرا

عايز أتعلم said...

النجمة الصامده

انا اسف على كلمة طناش دي...معرفش ان فيه ناس بتمسك على الكلام كده ..ههه

عندك حق فعلا ومش لازم ينسكت لامثال هؤلاء ابدا ..وربنا يهدي الناس

وامين ..والله المستعان ..
جزيتي خيرا ودمتي بخير

Anonymous said...

الله الله

فعلا الانسان الايجابى بيكون نافع فى اى مكان وفى كل وقت
وانا احسبك منهم ان شاء الله

جميل جدا اسلوبك وشجاعتك وعدم اطالتك فى الرد عليها وعدم تعمقك فى تفاصيل واحكام ولكن رديت بطريقة مختصرة وواضحة ومباشرة وبايات ما تقدرش هيا ترد تقولك خطأ لان ده كلام المولى سبحانه

نفع الله بك اينما كنت

والسلام موصول

شيماء وهب

صاحب المضيفة said...

بص


لما تكون نيتك حلوة ربك كيرم معاك

وبيوفقك على طول لانك تقول الكلام المظبوط في الوقت المظبوط


ربنا يكرمك


أما عيلة مباركة بصحيح



تحياتي

marmarmarmora said...

عايزة اقولك ان مدونتك دي رائعة جداااا
وكمان ان موقفك كان صح
لان الواحد لازم يكون ايجابي

somaya abozaid said...

تصدق الموضوع ده جه على بالي من يومين وافتكرته.. وكنت هقولك اعملها تدوينة ..لانه بجد موقف ايجابي ومش اي حد عنده الشجاعة ده وخصوصا لو دكتورة في الكلية وصباعك تحت ضرسها... بس كله علىى الله .. وربنا يثبتك
مش هطول عليك كفاية كلام شيماء وهب ..مش اي حد برده

semsem said...

انت صح الصح
احيييييك مليون مرة على شجاعتك وايمانك
احنا محتاجين ده بجد
جزاك الله الف خيييير
اختك ف الله

Doba said...

بسم الله ماشاء الله
ربنا يبارك فيك
ومظبوط اللى انت عملته
وربنا يقدرك على الخير دايما

طريقتك مبسطة وبتوصل بسرعة
عوداً حميدا

تحياتى
هبة

آخر العنقود said...

انا بعتذر بس اولا علىتأخيري الوحش ده
بجد اسفة

وانت عارف رأيي فى الموقف ده
ربنا يكرمك بجد
ويثبتك على الحق
ويجرى الحق على يديك

ربنا يبارك فيك يارب
واسفة تاااااااااااااانى
دى اول مرة بقى
:)

النجمة الصامدة said...

سلامو عليكو

حضرتك ليك على مدونة الاسنان تاج خاص جدا

الرجاء الاستلام

عاشقه الاقصى said...

بجد الله عليك

ربنا يبارك فيك والله

المشكله ان الفرصه مش تيجى للواحد كتير

وتصرفك حكيم ماشاء الله

ربنا يرزقك الأخلاص والثبات

طالما هناك شباب مثلك
حدا

فما زال فى الأمه نبض
احسبك ولا ازكى ع الله ا

ابن ادم said...

لأ طبعاً انتا ما غلطتش و لا حاجه ..

انتا كنت ايجابي و بحييك علي شجاعتك


ربنا يعزك و يكرمك

نونو said...

السلام عليكم
طبعا صح الصح الله يبارك لك يارب
وطبعا هي من خرسها وبللها ما عرفتش تطلع من الموضةع الا انها تقولك انك طالب مش داعية بتجررلك للغلط
لان كان ممكن يرضه يترد عليها انها دكتورة طفيليات مش دين ولا تشرع ولا غيره
بس برضه رد فعلك هايل لمتها بسرعة
ربنا يكثر من امثالك يارب
تحياتي وتقديري

miada ref3at said...

اولاً تقبل تحياتى
ثانياً تقبل مرورى

دى أول زياره ليا هنا فى المدونه
أول بوست ماشاء الله شدنى جداً..يعنى بجد أنا هقوللك حاجه..ان الساكت عن الحق شيطان أخرس..وأهم شء كمان فى الموضوع..إن ده ديننا يعنى مش أى حق..ده دين ربنا سبحانه وتعالى..مينفعش يتسكت على حاجه زى دى..

أنا لو مكانك برده مكنتش هقدر أسيب الموضوع كده ماشى وخلاص..
فمن رأى منكم منكراً فليغيره..

ربنا سبحانه وتعالى وضعنا خلفاء فى الأرض..يعنى احنا مسئولين عنها فى كل حاجه..
بيتهيألى لو شفنا حاجه محتاجه التغيير ومغيرناهاش يبقى احنا أصبحنا مقصرين وبلا هويه..


والبوست جميل جداً وسير على هذا السراط ربنا معاك ويقويك..


تقبل تحياتى..

أحمد said...

أنا مش فاهم أيه حكاية الناس اللي مش فهمين حاجة دول
بس تسلم الله يبارك فيك
علشان رديت عليها بالقران وكمان
معملتش مشكلة معاها
احييك علي فطنتك
وربنا يجع الكلمتين الحلوين دول في ميزان حسناتك إن شاء الله

محمد خالد الديب said...

انت يا عم قاعد تقول عايز اتعلم عايز اتعلم وشكلك انت اللي هتعلمنا
انت عارف انت عملت ايه انت عملت لب الاسلام الامر بالمعروف والنهي عن المنكر ودة من الجهاد زي ما سيادتك عارف وتعرف انت عملت ايه تاني انت ممكن تكون سبب في ان ربنا منع غضبه عن زمايلك والدليل قصة بني اسرائيل والحيتان واكيد عارف قصدي كويس ياريت كلنا نعمل زيك يا باشا.
معلش كلمة اخيرة اوعى واياك تفتكر ان اللي عملته هناك دة شطارة منك والله المواقف دي ما بينفعش معاها غير تثبيت ربنا سبحانه وتعالى فاحمد ربنا على النعمة دي ويارب دايما يا اخي تصدح بالحق.(حلوة تصدح دي؟).

انى احبكم فى الله said...

ايه المدونه الجامده دى بجد والله نيولوك هايل

على العموم ياريت تزور مدونتى علشان النيولوك بتاعى تشوفى وكمان شكرا على الموضوع التعب واضح

رُدَّ إلى َّ روحى said...

ربنا يثبتكم على الحق دايما يااااارب

د/اجدع بنوته said...

برافوووووووو عليك بصراحه

برافوووووو جدا

ربنا يجازيك خير يارب

وميــــض أمــــل said...

تقريبا نفس الموقف وبرده مع الدكتورة بتاعتى بس للأسف زميلاتى ألحوا عليا انى ماردش عليها وللأسف أكتر انى استجبت لهم وخرجت من المحاضرة حسه انى دمى بيغلى وحسيت انى غلطت أوى لما سمعت كلامهم

اللى حضرتك عملته يافندم عين الصح ربنا يباركلك
ويوفقك

Hossam said...

mmmmmmmmmmm
good jop u did
but take care u must respect ur prof.
c u

بت خيخة وأى كلام said...

جدع

لا طبعا تسكت ده ايه؟
انا مبسوطة جدا انك رديت رغم محاولات صاحبك انك تكبر دماغك وتطنش

ربنا يكرمك يارب يا خليفة

وكويس عرفت برضه تلم الدور لما قالتلك بس انت هنا طالب

تحياتى ليك
وكل سنة وانت طيب علشان رمضان
اختك خيخة

بت خيخة وأى كلام said...

كل سنة وانت طيب يا خليفة

سلام
اختك خيخة

د/اجدع بنوته said...

كل سنه وانت طيب

عيدك سعيد يارب

قلب شاعره said...

جميل منك انك رديت .. لكن الى واضح ان بنت الدكتوره فيها الامل ...ويمكن الدكتوره دى عندها مشكله ما مع نفسها على فكره ...

مـــالك said...

زادك الله غيرة على دينه
لا طبعا إنت عملت الصح
خد بالك إن فيه غيرك بيغضبوا لأشياء تافهة زي فريق كورة أو مغني أو أي شيء من التفاهات دي بينما إنت غضبت لله
وانت عارف الرسول عمرة ما غضب إلا لله
ربنا يجعلها في ميزان حسناتك
وطريقة ردك كانت كويسة
لك مني ألف تحية

حاجات عيال said...

برافوا عليك
إنت طبعا صح
والرسول الكريم قال (بلغوا عني ولو آية)
وقال..من رأى مننكم منكرا فليغيره..بيده فإن لم يستطع فبلسانه فإن لم يستطع فبقلبه وهذا أضعف الإيمان)
صدق رسول الله

م/ الحسيني لزومي said...

شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
ارسل ميلك اذا كنت ترغب في كود البنر

رابطة هويتي اسلامية said...

السلام عليكم ورحمة الله وبركاته

ندعوك للمشاركة معنا في رابطة

" هويتي إسلامية "

من أجل إعادة الهوية الإسلامية للمسلمين عامة وللمدونين خاصة.

شبكة اتصال مباشرة وقاعدة عريضة من أفضل المدونين .

هيا ..... كن معنا من أجل الدفاع عن الإسلام من الغزو الغربي

حزينه said...

تخيل بقى يا اخى
لو البنات اللى كانوا فى المحاضرة صدقوا كلامها وقلعوا الحجاب او التزموا بعدم لبسه
وانت ساكت
وبعدين الساكت عن الحق شيطان اخرس
واللى عملته الصح واللى كان المفروض البنات هما اللى يردوا عليها ويقولولها انهم معتزين بحجابهم (الفرض)


حزينه

سحر*** حور- نور*** said...

أصلا الدكاترة بيخترعوا حاجات تضايق ولازم تلتزم باللى بيقولوة يا كده يا الكتاب كله يبقى مقرر وتشيل المادة
وانت فاهم بقى
بس بجد اللى انت عملته عجبنى
موقف رجولى بصحيح
انا لو مكانك كنت هتردد بس فى الاخر
كنت هنفجر واقوم اعلق عليها واللى يحصل يحصل

تقبل مرورى

fnoonh said...

انا كل الاقدر اقولهولك ياريت كل الشباب يكونو زيك بجد عمل رائع واكتر من رائع منك وربنا يثبتك ديما وتكون غيور على الاسلام طول عمرك وعلى احكامة فعلا الحجاب مافيهوش اختلاف ابدا من اي عالم لكن النقاب هوه اليفيه وياريت ويا حبذا نلبسة عشان نتقي الشبهات
تقبل اول مرور ليا وان شاء الله مش الاخير

no way said...

جزاك الله خيرا

أحلى حياة said...

السلام عليكم ورحمة الله وبركاته

ما شاء الله لا قوة إلا بالله
بجد الحمد لله ان حضرتك كنت ايجابي واستجمعت قوتك وشجاعتك وقمت رديت عليها بالطريقه دي وكمان داعما ردك
بآيات قرآنية
يعني الكلام مش من دماغك كده وخلاص
حقيقي اسلوب في منتهى التحضر والرقي في الرد على الكلام دا وخلافه
وياريت كلنا فعلا نبقى إيجابيين أو عندنا الشجاعه الكافيه لاتخاذ القرار المناسب وتنفيذه في الوقت المناسب
لان كتير مننا اكيد بردو لما بتقابلهم مواقف مشابهه ممكن يكون عندهم الرد لكن بيمنعهم الخجل او اهتزاز الثقه
فبجد ربنا يكرمك ويثبتك ويقوي إيمانك ويرضى عنك ويحبك يااارب

تحياتي
وبالتوفيق في دراسة الطب لانها مش هينه
:)))

المشخبطاتى said...

السلام عليكم..

اللى انت عملته دا الصح..طبعاً كان لازم ترد عليها..

كمان أسلوب الرد عليها كان كويس..بأدب وخلتيها هى اللى تقر بكده وكمان خير الكلام ماقل ودل والحمد لله رأيك وصل لزمايلك واللى انت عاوزه اتحقق...

المشكلة فى موضوع الدكاترة دا إن الواحد فيهم بيقول ويبث أرائه فى وسط الطلبة والمفروض إن إحنا نقتنع بكلامهم وفعلاً فى ناس ناس بتقتنع بكده خصوصاً لو رأيه من رأى الدكتور ومش هتفرق رأيه صح ولا غلط..
وكمان فى ناس بتبقى متأثرة بالكتور لدرجة إن أى حاجة يقولها هى الصح..
فكان لازم ترد وأنا شايف إن ردك كان فى محله.

دمتـ بكلـ خير

Rooma Qandil said...

:d
اعتقد بلا اي شك ان الي عملته صح والحمد لله ان ربنا ثبتك وسعيت حتى لاخر عشر دقائق انك ترد على فرضيتها الخاطئة
انا مش عارفة بجدالعالم دي جاية من اي كوكب
الايات صريحة وكل حاجة واضحة وضوح الشمس حتى في الاساسيات وبيحاولوا يمحوروها

لاء واهم حاجة انها في نص الشرح وحابة تسمع الجملة " بس انت هنا طالب"ووتخانق
ربنا يهديها ويهديهم ان شاء الله

بحييك على موقفك يا فندم

♥ Am fOpa'D ♥ said...

اين جديدكم!!!!

كل سنة وحضرتك طيب
رمضان كريم

نور جديد said...

السلام عليكم و رحمة الله
حضرتك لس بتقول
و ما كان لمؤمن و لا مؤمنة ....... الى اخر الاية
عشان كده مكنش ينفع تسكت او تنطش
ربنا يتقبل الموقف ده يارب
حسيت بحاجة تانية اد ايه الناس فرحانة بموقف ايجابي واحد
من كتر ما احنا السلبية متسربة بيننا
بقت الايجابية شئ غريب يستحق الاستعجاب
ايا كان موقف جميل ربنا يتقبل و يرزقنا مواقف مثله

ghorBty said...

ربنا يهدي الجميع والله

وماشاء الله عليكـ كويس جدا انك رديت احنا اصلا ربنا اعطانا الخيريه بسبب الامر بالمعروف والنهي عن المنكر ..

بس اللي مستغرباله ان فعلا معظم دكاتره الجامعه من النساء الا من رحم ربي موضوع الحجاب عندهم مش متظبط خالص يعني فوق 60 سنه وبنطلون وبلوزات لا مناسب لسنهم ولا دينيا ولو صادف وشافوا بنات بخمار او اسدال يحس انهم مستنكرين فعلهم جدا وكانهم اجرموا .. سبحان الله ساعات كتير بحس ان الموازين اتقلبت بس الحمد لله الصحوة الاسلاميه فيها خير للشباب ودول اللي املنا فيهم

والله يعين ويهدي ويردنا اليه مردا جميلا ..

وكل عامـ وانتمـ في قائمة الابرار الخاشعين

كل عامـ وانتمـ عون للضعفاء والمحتاجين

كل عامـ والسنتكمـ تلهج بذكر الله الجليل

كل عامـ وهناكـ ملك ينادي ان الله قد جعلكمـ من المعتوقين ..

كل عامـ وانتمـ بخير ..

اعصار الحق said...

الحقيقة اننا مينفعش نسكت ولا نكون سلبيين أبدا
تحياتي ليك يا دكتور خليفة